Умацаваць эканамічны патэнцыял і павысіць якасць жыцця. Што прадугледжана рэспубліканскім планам мерапрыемстваў па правядзенні Года якасці?

Пастановай Савета Міністраў ад 16 студзеня 2024 г. нумар 41 зацверджаны рэспубліканскі план мерапрыемстваў па правядзенню ў 2024 годзе Года якасці.

Дакументам прадугледжана 69 мерапрыемстваў, накіраваных на ўмацаванне эканамічнага патэнцыялу Рэспублікі Беларусь, забеспячэнне якасных паказчыкаў праз стымуляванне ініцыятывы, фарміраванне асабістай грамадзянскай адказнасці за дасягненне высокай якасці жыцця, інфармацыйнае забеспячэнне Года якасці. Вызначаны таксама іх мэты, механізмы і тэрміны рэалізацыі, адказныя выканаўцы.
У прыватнасці, плануюцца:

• удзел у заканадаўчым забеспячэнні Годы якасці (падрыхтоўка і прыняцце Рэспублікі Беларусь "Аб акрэдытацыі ў Нацыянальнай сістэме акрэдытацыі", "Аб рыэлтарскай дзейнасці», «Аб спажывецкім крэдыце (мікрапазыцы)», «Аб змене Кодэкса Рэспублікі Беларусь аб адукацыі», «Аб незалежнай ацэнцы і сертыфікацыі кваліфікацый» і інш.);
• удасканаленне парадку мытнага адміністравання за кошт пашырэння прымянення лічбавых тэхналогій у мытным рэгуляванні і ўкараненні тэхналогій, якія забяспечваюць аўтаматычнае здзяйсненне мытных аперацый без удзелу службовых асоб;
• пашырэнне сеткі цэнтраў падтрымкі тэхналогій і інавацый і ўдасканаленне іх дзейнасці, у тым ліку шляхам распрацоўкі электроннай платформы для ўзаемадзеяння ўдзельнікаў гэтай сеткі;
• павелічэнне пакрыцця ляснога фонду аўтаматызаванымі сістэмамі «Відэаназіранне» у мэтах своечасовага выяўлення лясных пажараў;
• пераабсталяванне і мадэрнізацыя вытворчасцей;
• падтрыманне высокай якасці аўтамабільных дарог агульнага карыстання;
• развіццё функцыяналу партала рэйтынгавай ацэнкі арганізацый, якія аказваюць паслугі, што забяспечваюць жыццядзейнасць насельніцтва і (або) ажыццяўляюць адміністрацыйныя працэдуры, і яго папулярызацыя;
• укараненне і шырокае правядзенне конкурсаў наватараў, рацыяналізатарскіх ідэй, прафесійнага майстэрства;
• забеспячэнне працы грамадскіх прыёмных па прыняцці ад насельніцтва прапаноў аб паляпшэнні якасці жыцця і паслуг;
• пашырэнне выкарыстання патэнцыйных прыродных лячэбных рэсурсаў пасродкам укаранення ва ўсіх санаторна-курортных арганізацыях новых відаў медыцынскіх паслуг і праграм санаторна-курортнага лячэння;
• пашырэнне практыкі выкарыстання праграм дадатковага пенсійнага страхавання;
• павышэнне якасці жыцця ў сельскай мясцовасці за кошт рэалізацыі комплексу мерапрыемстваў, арыентаванага на стварэнне камфортных умоў для жыццядзейнасці і пражывання грамадзян у сельскай мясцовасці, развіццё сучаснай сацыяльнай, інжынернай і транспартнай інфраструктуры, якая забяспечвае ўстаноўленыя нарматывы (стандарты) якасці жыцця;
• распрацоўка канцэпцыі падрыхтоўкі асоб з асаблівасцямі псіхафізічнага развіцця да працоўнай дзейнасці, сямейнага жыцця, іх сацыялізацыі і інтэграцыі ў грамадства;
• стварэнне на сайтах дзяржорганаў, аблвыканкамаў, Мінскага гарвыканкама, устаноў адукацыі расдзелу «Год якасці» з наступным размяшчэннем інфармацыі аб мерапрыемствах, прымеркаваных да Года якасці. Публікацыя ў сацыяльных сетках тэматычных аглядаў;
• выраб і продаж у рознічным гандлі тэматычнай калекцыі адзення (мерч), прысвечанай вядомым брэндам айчыннай прамысловасці;
• арганізацыя цырымоніі ўручэння Дзяржаўнага знака якасці.

Каардынаваць дзейнасць дзяржорганаў, іншых арганізацый па выкананні плана ўпаўнаважаны Дзяржаўны камітэт па стандартызацыі.
Прававы акт прыняты ў адпаведнасці з Указам Прэзідэнта Рэспублікі Беларусь ад 27 лістапада 2023 г. № 375 "Аб аб'яўленні 2024 года Годам якасці".
Пастанова набыла моц 16 студзеня 2024 г.