Лагатып Года беларускай жанчыны 2026: пераможца, сэнс, сімвалы

Лагатып Года беларускай жанчыны зацверджаны ў Беларусі. Сімвал выбралі па выніках правядзення тэматычнага конкурсу, ініцыяванага Беларускім саюзам жанчын (БСЖ). Удзельнікамі творчага спаборніцтва сталі абласныя, аб'яднаныя, пярвічныя арганізацыі БСЖ. Усяго было разгледжана больш за 100 розных варыянтаў. Пераможцам конкурсу стала лідэр маладзёжнага крыла Ваўкавыскай раённай арганізацыі Яўгенія Пагранічная. У яе рабоце гарманічна спалучаюцца дзяржаўная сімволіка ў чырвона-зялёных колерах, нацыянальны арнамент і васілёк, які з'яўляецца сімвалам Беларусі і БСЖ. Адмысловая ўвага была нададзена выяве беларускай жанчыны, у якім прасочваюцца сіла, дабрыня, прыгажосць і лёгкасць.